Komîsyona Bilind a Serbixwe ya Hilbijartin û Rapirsiyê ya Herêma Kurdistanê piştî 20 rojan, encamên fermî yên hilbijartinê ragihandin. Li gorî encaman, PDK weke partiya yekemîn 45 kursî, YNK 21 kursî û Tevgera Goran jî weke partiya sêyemîn 12 kursî bi dest xistin.
Li başûrê Kurdistanê di 30’yê îlonê de hilbijartina Parlamentoya Herêma Kurdistanê pêk hat. Tevî ku biryar bû ku di nav 72 saetan de encam bên aşkerakirin jî, encamên hilbijartinê 20 roj piştre tên parvekirin. Komîsyona Bilind a Serbixwe ya Hilbijartin û Rapirsiyê ya Herêma Kurdistanê encamên fermî bi daxuyaniyekê ragihand.
Li gorî encamnameya fermî, PDK’ê 686 hezar û 70 deng bidest xist û bû partiya yekemîn. Li pey PDK’ê jî bi 319 hezar û 912 dengan re YNK tê. Tevgera Goran jî di hilbijartinan de bû partiya sêyemîn. Li gorî Komîsyona Bilind a Serbixwe ya Hilbijartin û Rapirsiyê ya Herêma Kurdistanê encamên hilbijartinê wiha ne:
PDK: Bi 686 hezar û 70 dengan re 45 kursî
YNK: Bi 319 hezar û 912 dengan re 21 kursî
Tevgera Goran: Bi 186 hezar 903 dengan re 12 kursî
Nifşê Nû: Bi 127 hezar û 115 dengan re 8 kursî
Komela Îslamî ya Kurdistanê: Bi 109 hezar û 494 dengan re 7 kursî
Koalîsyona Ber bi Îslah: Bi 79 hezar û 434 dengan re 5 kursî
Koalîsyona Serdemê: Bi 15 hezar û 581 dengan re kursiyek
Azadî: Bi 8 û 63 dengan re kursiyek bi dest xist
Kursiyên pêkhateyan
Partiya Geşepêdan a Tirkmanî : Bi 3 hezar û 218 dengan re 2 kursî
Partiya Çaksazî a Tirkmanî : Bi 3 hezar û 125 dengan re kursiyek
Azadî: Bi 885 dengan re kursiyek
Partiya Bereya Tirkmenî: Bi hezar û 584 dengan re kursiyek
Partiya Bruskey Tirkmanî: Bi 862 dengan re kursî bidestnexist
Hawpeymaniya Yekitiya Neteweyî: Bi 8 hezar 88 dengan re 3 kursî
Alimclis Alşebî : Bi 2 hezar û 963 dengan re kursiyek
Alrafdîn: Bi 2 hezar 626 dengan re kursiyek
Listeya Demokrata Mesihî: Bi 238 dengan re sifir kursî
Encûmena Gel a Keldanî-Sûryanî: Kursiyek bi dest xist.
